Azərbaycan, Bakı, 13 yanvar / Trend , müxbir A.Hüseynbala/ Azərbaycanın müxalif partiyasının referendumla bağlı təşəbbüs qrupunun yaradılması üçün keçirilən ilkin təşəbbüs qruplarının toplantıları başa çatıb.
"28 ilkin təşəbbüs qrupunun toplantısında 2200-dən çox seçici imzası yığılıb", - çərşənbə axşamı Trend -a Müsavat Partiyasının mətbuat xidmətindən bildirilib.
Trend -un arayışı: Azərbaycanın hakim partiyası "Yeni Azərbaycan", müxalif Müsavat Partiyası "Respublikaçılar" referendum üzrə təşəbbüs qruplaru yaradıblar. Mərkəzi Seçki Komissiyası YAP-ın təşəbbüs qrupunun qeydə alınması üçün bildiriş verib.
"Azadlıq" blokuna daxil olan Xalq Cəbhəsi, Milli Birlik Hərəkatı, Vətəndaş və İnkişaf partiyaları, o cümlədən "Azərbaycan Naminə" İctimai Birlik, Demokrat Partiyası və bir sıra qeyri-hökumət təşkilatları "Respublika və Qarabağ Uğrunda Vətəndaş Hərəkatı", Klassik Xalq Cəbhəsi, Azadlıq, Milli Demokrat, Böyük Azərbaycan və Xalq patiyalarının təmsil olunduğu Demokratiya Uğrunda İttifaq "Azərbaycan Xalq Cümhuriyyəti" təşəbbüs qrupunun yaradılması barədə qərar veriblər.
Hakim partiyanın icra katibinin müavini Mübariz Qurbanlı əvvəllər Trend -a bildirib ki, müxalifət partiyalarının referendum əleyhinə yaratdıqları təşəbbüs qrupları səmərəsiz olacaq.
Yanvarın 10-da 21 media rəhbəri referendumu dəstəkləmək məqsədilə "Azad söz" Təşəbbüs Qrupu təsis edib.
Həmin gün Azərbaycan Həmkarlar İttifaqları Konfederasiyası (AHİK) və bir sıra QHT-lər də Konstitusiyaya əlavə və dəyişikliklərə dair referendumla bağlı İctimai Təşkilatların Təşəbbüs Qrupunu təsis ediblər.
Azərbaycan parlamenti ötən ayın sonunda keçirilən iclasında Konstitusiyaya əlavələr və dəyişikliklər edilməsi ilə bağlı referendumun martın 18-də keçirilməsi barədə qərar qəbul edib.
Konstitusiyanın 29 maddəsinə dəyişiklik edilməsinə dair referendumun keçirilməsi barədə qərar verilib.
Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).
Azərbaycan Konstitusiyası 1995 - ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.
Məlumatda qeyd edilir ki, Bakı, Sumqayıt, Gəncə şəhərləri, əraziləri işğal olunan rayonlardan başqa, Cəlilabad, Neftçala, Xaçmaz, Oğuz, Beyləqan, Kürdəmir, Sabirabad, Lənkəran və digər rayonlarda ilkin təşəbbüs qruplarının toplantılarında təşəbbüs qrupunun ümümi yığıncağına 220-dək nümayəndə seçilib.
Təşəbbüs qrupunun yanvarın 14- də keçiriləcək toplantısında qrupun adı təsdiq olunacaq, səlahiyyətli nümayəndələri təyin ediləcək
Müsavat Partiyası 1911-ci ilin oktyabrında Bakıda yaradılıb. Müsavat Partiyasının (Bərpa) Qurultayı 1992-ci il noyabrın 7- də Bakıda Respublika sarayında keçirilib. Gizli səsvermənin yekunları əsasında Qəmbər səs çoxluğu ilə Müsavat Partiyasının başqanı seçilib.
Qəmbər Аzərbаycan pаrlаmеntinin spikеri (1992-1993-cü illərdə) və 2003-cü ildə keçirilmiş prezident seçkisində prezidentliyə namizəd olub. Pаrtiyа 4 nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]
