Özbəkistan, Daşkənd, 22 yanvar/ Trend , müxbir T.Jukov / "Rusiya prezidenti Dmitri Medvedyevin Özbəkistana rəsmi səfəri başlayıb", - Trend -a Özbəkistan hökumətinin mətbuat xidmətindən məlumat verilib.
"Özbəkistan prezidenti İslam Kərimov ali qonağı Səmərqəndin hava limanında qarşılayıb. - rəsmi məlumatda deyilir. - Rusiya Federasiyasının prezidenti Dmitri Medvedyev ölkəmizə Özbəkistan prezidenti İslam Kərimovun dəvəti ilə gəlib".
"Özbək-rus münasibətləri müttəfiqlik və strateji tər'fprinsipləri əsasında inkişaf edir. Yüksək səviyyədə mütəmadi görüşlər ticarət - iqtisadi, sərmayə, elmi-texniki, humanitar sahələrdə əməkdaşlığı yeni mərhələyə yüksəldir".
Bu gün Səmərqənddə iki dövlət başçısının qeyri-formal görüşü keçiriləcək. Səfərin əsas hissəsi və geniş heyətdə danışıqlar cümə günü Daşkənddə baş tutacaq.
Bu, Medvedyevin Özbəkistana ilk səfəridir. Rusiya prezidenti 2008-ci ilin sentyabrında Kollektiv Təhlükəsizlik üzrə Müqavilə Təşkilatının Moskvada sammitində Özbəkistana rəsmi dəvət alıb.
Məqalə müəllifi ilə əlaqə ünvanı: [email protected]