Iran, Tehran, 02 mart / Trend , müxbir A.Namdari /
İran parlamentinin nümayəndəsi İraqın İran və ABŞ arasında vasitəçilik edəcəyi haqda olan məlumatları təkzib edib.
"Tehran və Bağdad rəsmilərinin görüşlərində İraq rəsmiləri İran və ABŞ arasında vasitəçilik təklifi ilə çıxış ediblər, lakin hələlik belə bir ideyanın həyata keçirilməsi real deyil", - deyə İran parlamentinin Milli Təhlükəsizlik Komissiyasının üzvi Hüseyn Təqəvi Trend -a bazar ertəsi deyib.
O bildirib ki, ABŞ hələlik İranla müzakirələrin birbaşa və ya vasitəçiliklə başlanmasına dair rəsmi Tehrana təklif verməyib.
"ABŞ prezidenti Barak Obamanın prezidentlik dövründən 2 ay ötüb və ABŞ rəsmilərinin açıqlamaları və çıxışlarına baxmayaraq, İran hələlik rəsmi Vaşinqtondan müzakirələrin birbaşa başlanması barədə təklif almayıb", - deyə Təqəvi bildirib.
