Türkmənistan, Aşqabad, 30 mart / Trend , müxbir H.Həsənov /
Bu gün Türkmənistan Məclisinin (parlament) spikeri А.Nurberdıyeva Livanın Türkmənistandakı Fövqəladə və Səlahiyyətli səfiri Cəbrail Butros Cearın etimadnaməsini qəbul edib", - "Turkmen dovlet xabarları" (TDX) dövlət xəbər xidməti məlumat verir.
Diplomat prezident Qurbanqulı Berdımuhammedov və bütün türkmən xalqına Livan prezidenti Mişel Süleymanının salamlarını və xoş arzularını çatdırıb.
Qonağın qeyd etdiyi kimi, o hesab edir ki, "sülhsevər siyasət və sülhün qoruyucusu təşəbbüsləri ilə böyük beynəlxalq nüfuz qazanmış Türkmənistanda Livanın birinci səfiri olmaq böyük şərəfdir".
Görüş zamanı səfir Türkmənistanda dövlət başçısının, ölkəsinin vətəndaşlarının rifahına xidmət naminə həyata keçirilən prioritet və yeniliklər haqda ətraflı məlumatlandırılıb. Bununla bağlı kənd təsərrüfatı, səhiyyə, eləcə də elm və təhsil sahələrində ölkənin inkişafına, Türkmənistanın dünya iqtisadi və informasiya məkanına uğurlu inteqrasiyasına yardım edən islahatlar xüsusilə vurğulanıb.
Səfir həmçinin Türkmənistan parlamentinin strukturu və çoxtərəfli fəaliyyəti ilə də tanış edilib. İkitərəfli tərəfdaşlığın mövcud potensialı haqda danışarkən tərəflər, parlamentlərarası əlaqələrin və ümumilikdə Türkmənistan və Livan xalqlarının maraqlarına cavab verən dövlətlərarası dialoqun fəallaşmasının vacibliyini qeyd ediblər.
Məqalə müəllifi ilə əlaqə ünvanı: [email protected]
