Gürcüstan, Tbilisi, 10 aprel / Trend , müxbir N.Kirtsxaliya /
"Vətəndaşların Konstitusiya çərçivəsində öz etirazlarını bildirmək hüququ var", - Gürcüstan DİN administrasiyasının başçısı Şota Xizanişvili deyib.
O, müxalifətin hər gün Tbilisinin üç mərkəzi - Rustaveli, Kostava və Ketevan Tsamebuli prospektlərini bağlamaq niyyətində olmasını belə şərh edib. Müxalifət hərəkəti 15.00-dan 21.00-a qədər bağlamaq fikrindədir.
"Əksinə, polis qanuniliyin qorunmasını təmin edəcək, ictimai və avtomobil nəqliyyatının alternativ yollarını tapacaq. Bu məsələni patrul polisi tənzimləyəcək", - Xizanişvili bildirib.
Müxalifətin Tbilisidə cümə axşamı başlamış etiraz aksiyası bu gün də davam edir.
Məqalə müəllifi ilə əlaqə ünvanı: [email protected]