Azərbaycan, Bakı, 17 aprel / Trend , müxbir C.Babayeva /
Azərbaycanın millətçi Milli Qurtuluş Partiyasının (MQP) sədri Vüqar Bəyturan ölkədə normal siyasi fəaliyyətlə məşğul olmaq üçün şəraitin olmamasını əsas gətirərək istefa verib.
Bəyturan istefası barədə MQP-nin Siyasi Şurasına təqdim etdiyi bəyanat yaxın günlərdə müzakirə ediləcək, MQP-nin cümə günü Trend -a daxil olan məlumatında bildirilib.
Bəyturan 1992-ci ildə Türk Millətçi Gənclər Təşkilatını, 1998-ci ildə isə Türk Millətçi Partiyasını yaradıb, 2006-2008-ci illərdə müxalifətyönlü "Bizim Azərbaycan" blokuna rəhbərlik edib, 2008-ci ildə dövlət qeydiyyatı olan Milli Qurtuluş Partiyasına keçib və partiyanın qurultayında sədr seçilib. Milli Qurtuluş Partiyasının dövlət qeydiyyatı olsa da, təşkilata qərargah üçün bina ayrılmayıb.
Məqalə müəllifi ilə əlaqə ünvanı: [email protected]