Suriya, Dəməşq, 23 may / Trend , xüsusi müxbir Ü.Sadıxova/ Mahmud Abbasın Vaşinqtona səfəri Prezident Barak Obamanın söylədiyi "istənilən üsulla Yaxın Şərqdə sülhə nail olunmalıdır" sözlərinin fonunda ABŞ-ın Fələstin Dövlətinin yaradılmasında olan dəstəyi artacaq. Bu barədə Trend -a Fələstin muxtariyyətinin Xarici işlər naziri Riyad əl-Maliki deyib.
"Fələstin Administrasiyası Obamanın Yaxın Şərqdə sülhün vacibliyi barəsində verdiyi bəyanata ümid edir. Çünki İsrailə təzyiq edə biləcək yeganə ölkə ABŞ-dır", - əl-Maliki Dəməşqdə keçirilən İslam Konfransı Təşkilatının xarici işlər nazirlərinin 36-cı iclasında deyib. İsrailin danışıqlardan imtina etməsini nəzərə alaraq nazirlər Ərəb-İsrail sülh danışıqını, Qəzza üzərindən blokadanın götürülməsini və zolağa humanitar yardımın çatdırılması ilə bağlı müzakirələr aparacaqlar.
Əl-Maliki əlavə edib ki, fələstinlilər iyunda Obamanın Misirdə verdiyi bəyanata ümid edirlər və düşünürlər ki, sözügedən bəyanat İsraili Fələstin dövlətini tanımağa vadar edəcək.
