Azərbaycan, Bakı, 19 yanvar / Trend , müxbir K.Zərbalıyeva/
Azərbaycan paytaxtında ötən il qeydə alınmış yol qəzalarında 21 uşaq dünyasını dəyişib.
Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Cəmşid Hənifəyev Trend -a bildirib ki, 2009-cu ildə Bakıda uşaqlarla bağlı 107 yol qəzası baş verib və hadisələr zamanı 99 uşaq müxtəlif dərəcəli bədən xəsarət alıb.
Şöbə rəisi deyib ki, dünyasını dəyişən uşaqlardan 4-ü 7 yaşınadək, 9-u 7 yaşdan 17 yaşadək, xəsarət alanlardan 14-ü 7 yaşadək, 51-i isə 7 yaşdan 17 yaşadək olan uşaqlardır.
Ötən il Bakıda 1159 yol qəzası qeydə alınıb və hadisələr zamanı 325 nəfər dünyasını dəyişib, 1241 nəfər müxtəlif dərəcəli bədən xəsarəti alıb.
Qəzalardan 424-ü piyadavurmalar olub. Piyadavurmalar zamanı 130 nəfər həlak olub, 322 nəfər xəsarət alıb.