İlham Əliyev Gürcüstan Prezidentinə başsağlığı verib

Azərbaycan Prezidenti İlham Əliyev Gürcüstan Prezidenti Mixail Saakaşviliyə başsağlığı verib. Bu barədə cümə axşamı AzərTAc dövlət agentliyi məlumat yayıb.

"Tkibuli şəhərindəki şaxtada baş vermiş partlayış nəticəsində insan tələfatı xəbərini kədər hissi ilə qarşıladım. Bu faciə ilə əlaqədar sizə, həlak olanların ailələrinə və yaxın adamlarına, bütün Gürcüstan xalqına öz adımdan və Azərbaycan xalqı adından dərin hüznlə başsağlığı verirəm", - başsağlığında deyilib.