Azərbaycan, Bakı, 30 mart / Trend , müxbir Y.Ostapenko/
Birləşmiş Ştatların Azərbaycanda səfirinin olmaması ikitərəfli münasibətlərin hazırkı səviyyəsinə təsir etmir. Səbəb ABŞ-da səfirin vəzifəyə təyin edilməsi ilə əlaqədar olan bürokratik prosedurların mürəkkəbliyindədir. Bunu ABŞ-ın Azərbaycandakı müvəqqəti işlər vəkili Donald Lu deyib.
"Dünyanın Birləşmiş Ştatlar üçün maraq kəsb edən bir çox ölkələrində hələ ki ABŞ səfirliyi yoxdur. Azərbaycanda da həmçinin hələlik yeni səfir yoxdur. Lakin bu, münasibətlərimizə təsir etmir. Bu, ABŞ bürokratik sisteminin itkisidir", - Lu çərşənbə axşamı Azərbaycan Dillər Universitetində Amerika Mərkəzində jurnalistlərə deyib.
Onun sözlərinə görə, ABŞ və Azərbaycan arasındakı münasibətlər çox sıxdır və Azərbaycan ABŞ üçün çox mühüm əhəmiyyət kəsb edir. Buna misal olaraq, o, Azərbaycan rəsmi şəxslərinin Vaşinqtona və ABŞ rəsmi şəxslərinin Bakıya olan bir sıra səfərlərini göstərib.
Lu tezliklə ABŞ-ın Azərbaycana yeni səfirinin təyin ediləcəyinə ümidvar olduğunu bildirib.
"İnanıram ki, ABŞ-ın Azərbaycandakı səfiri vəzifəsinə təyin olunacaq şəxs təcrübəli mütəxəssis və peşəkar diplomat olacaq", - Lu deyib.