Gürcüstan, Tbilisi, 27 may /Trend, müxbir N.Kirsxaliya/
ABŞ-ın Tbilisiyə dəstəyi azalmayıb, - bu barədə Gürcüstanın ABŞ-dakı səfiri Batu Kuteliya Gürcüstanın Müstəqillik Günü münasibətilə Vaşinqtonda gürcü nümayəndə heyətini qəbul edərkən məlumat verib.
Qəbulda Gürcüstana dəstək göstərən ABŞ Senatı, Konqresinin nümayəndələri iştirak ediblər.
"Bundan başqa, qeyd etmək lazımdır ki, bu dəstək yeni pilləyə qədəm qoyub, daha məqsədyünlü olub və əvvəlcədən planlaşdırılmış mühit və miqyasda davam edir", - səfir deyib.
Kuteliya qeyd edib ki, qəbul çox mötəbər şəkildə keçib və "Gürcüstanın ABŞ-ın rəsmi strukturları tərəfindən dəstəklənməsinin nümayişidir"."Bu şəxslər Gürcüstan və ABŞ arasında əlaqələrin inkişafı üçün ABŞ Senatı və Konqresində daimi olaraq çalışırlar", - o bildirib.