Gürcüstan, Tbilisi, 28 may /Trend, müxbir N.Kirsxaliya/
Gürcüstan Prezidenti Mixail Saakaşvili Fransa Prezidenti Nikolya Sarkozi ilə görüşəcək. Gürcüstan xarici işlər nazirinin müavini Nino Kalandadze jurnalistlərə verdiyi müsahibəsində Saakaşvilinin iyunun 7-də Parisə səfər edəcəyini deyib.
Kalandadzenin sözlərinə görə, görüşdə hərbi, aviasiya və digər sahələrdə əməkdaşlıq məsələləri müzakirə olunacaq.
Gürcüstan tərəfi, həmçinin, Rusiyanın 2008-ci ilin avqust ayında atəşkəs haqqında sazişin şərtlərinə əməl etmək məsələsini qaldırıb.
Prezidentin başçılıq etdiyi Gürcüstan nümayəndə heyəti iyunun 9-da Tbilisiyə qayıdacaq.