Gürcüstan, Tbilisi, 30 avqust /Trend, müxbir N.Kirsxaliya/
İran vətəndaşı Nəcid Boqer Acarıstana istirahətə gələrək, 700 mininci turist olub. Ona müvafiq sertifikat və hədiyyələr verilib: "İnturist" mehmanxanasında ailəsi ilə birgə ongünlük istirahət.
Nəcid Boqer Gürcüstanda işgüzar səfərdə olub. O, Gürcüstana heyran qalaraq bəyan edib ki, buraya məmnuniyyətlə bir daha gələcək.
Son 20 il ərzində Acarıstanda səyahətçilərin misli görünməmiş sayı qeydə alınıb. Mövsümün sonuna qədər Acarıstanda bu rəqəmin 1 milyon nəfərə çatacağını gözləyirlər.