...

Gürcüstan parlamenti qarşısındakı aksiya zamanı hakimiyyət qanuna uyğun olaraq hərəkət etmək fikrindədir – birinci vitse-spiker

Siyasət Materials 24 Noyabr 2010 16:50 (UTC +04:00)
Demokratik dövlətdə bütün siyasi partiyalar öz fikrini sərbəst ifadə etmək azadlığına malikdir və Gürcüstan da bu məsələdə digər demokratik ölkələrdən fərqlənmir.
Gürcüstan parlamenti qarşısındakı aksiya zamanı hakimiyyət qanuna uyğun olaraq hərəkət etmək fikrindədir – birinci vitse-spiker

Gürcüstan, Tbilisi, 24 noyabr /Trend, müxbir N.Kirsxaliya/

Demokratik dövlətdə bütün siyasi partiyalar öz fikrini sərbəst ifadə etmək azadlığına malikdir və Gürcüstan da bu məsələdə digər demokratik ölkələrdən fərqlənmir. Bu barədə Trend-ə Gürcüstan parlamentinin birinci vitse-spikeri Mixail Maçavariani bildirib.

"Gürcüstan parlamenti qarşısında sabaha təyin olunmuş aksiyaya münasibətdə hakimiyyət ciddi şəkildə qanuna uyğun olaraq hərəkət etmək fikrindədir", - o bildirib.

Aksiya sabah saat 15:00-da başlayacaq və saat 17:00-da başa çatacaq. Toplaşanlar hakimiyyətin dəyişdirilməsi ilə bağlı qərar qəbul etmək fikrindədirlər. Toplantı nümayəndəsinin sözlərinə görə, əgər parlament qarşısında çoxlu sayda əhali toplaşarsa, o zaman Prezident Mixail Saakaşvilnin istefası məsələsi qaldırılacaq.

"Bu, keçirildiyi yerdən - parlament qarşısında və ya başqa yerdə keçirilməsindən asılı olmayaraq ölkədə ilk və ya son aksiya deyil", - Maçavariani bildirib.

O bildirib ki, aksiyanın güc qarşıdurmasına çevriləcəyini deyə bilməz. "Bu barədə aksiya təşkilatçılarından soruşmaq daha yaxşı olardı, onlar daha yaxşı bilərlər. Lakin Gürcüstan hakimiyyəti mövcud qanunavericilik çərçivəsində hərəkət edəcək", - vitse-spiker bildirib.

Xəbər lenti

Xəbər lenti