...

Azərbaycanın Müsavat Partiyasından yeni istefaların olacağı istisna deyil

Siyasət Materials 20 Yanvar 2011 14:18 (UTC +04:00)
Azərbaycanın Müsavat Partiyasından yeni istefaların olacağı istisna deyil.
Azərbaycanın Müsavat Partiyasından yeni istefaların olacağı istisna deyil

Azərbaycan, Bakı, 20 yanvar /Trend, müxbir T.Hacıyev/

Azərbaycanın Müsavat Partiyasından yeni istefaların olacağı istisna deyil.

"Müsavat Partiyası 10 minlərlə üzvü olan partiyadır. Bu partiyadan ayrı-ayrı şəxslərin çıxması istisna deyil. Müsavat Partiyasının üzvlüyünə son dövrlərdə daxil olan şəxslərin sayı tərk edənlərin sayından dəfələrlə çoxdur", - bunu cümə axşamı Trend-ə Azərbaycanın müxalif Müsavat Partiyasının Mərkəzi İcra Aparatının rəhbəri Arif Hacılı bildirib.

O qeyd edib ki, yeni qüvvələrin partiyanın rəhbərliyinə gəlməsi prosesi davam edir.

"Partiyada yenilənmə, təzələnmə, gəncləşmə prosesi gedir. Düşünürəm ki, bu prosesin fəsadları uğurlarından qat-qat az olacaq", - Hacılı əlavə edib.

Son dövrlər Müsavat Partiyasının dörd funksioneri və Sumqayıt şəhər təşkilatının 15 üzvü bəyanat verərək partiyadan uzaqlaşıblar.

Hacılı deyib ki, 19 nəfərin partiya sıralarından çıxması partiya sıralarını zəiflətməyəcək və partiyaya ciddi zərbə vurmayacaq.

"Düşünürəm ki, bu prosesdən daha da güclənmiş şəkildə çıxacağıq və partiyanın gələcək fəaliyyəti daha çevik və dinamik olacaq. Partiyadan gedən şəxslərin əvəzinə yeni şəxslərin, gənclərin gəlməsi, partiya rəhbərliyinin güclənməsi prosesinin getməsi, eyni zamanda praktiki siyasətlə daimi məşğul olan şəxslərin Müsavat rəhbərliyinə gəlməsinin partiyanın fəaliyyətinə müsbət təsir göstərəcəyi qənaətindəyəm. Düşünürəm ki, qısa müddətdə qeyd olunan şəxslərin partiyanı tərk etməsi ilə əlaqədar yaranmış boşluqları doldurmağa, "Müsavat"ın daha ciddi, daha çevik və daha dinamik fəaliyyət göstərməsinə nail olacağıq", - o bildirib.

Xəbər lenti

Xəbər lenti