Azərbaycan, Bakı, 5 avqust /Trend/
Ukrayna müxalifətinin lideri, keçmiş Baş nazir Yuliya Timoşenko həbs edilib. Trend-in məlumatına görə, bu barədə RİA Novosti xəbər verir.
Keçmiş Baş naziri Kiyevin Peçer Məhkəməsinin binasından qandalsız çıxarıblar. Milisin xüsusi bölməsinin 100-ə yaxın əməkdaşı Timoşenkonu aparan maşının məhkəmənin həyətindən maneəsiz çıxa bilməsi üçün canlı dəhliz düzəldib.
Maşın Bessarabiya meydanına tərəf piyada sürəti ilə milisin tam əhatəsində hərəkət edib.
Timoşenkonun onlarla tərəfdarı məhkəmənin binasına daxil olmaq və çıxışları bağlamaq üçün uğursuz cəhddən sonra yol kənarı ilə gedərək "Quldur dəstəsi rədd olsun!" və "Yuliya! Yuliya!" qışqırıblar, bəzi deputatlar milisi küçə söyüşləri ilə təhqir ediblər.
Hazırda məhkəmə binası yaxınlığında mitinq keçirilir.
Yuliya Timoşenko həbs edildi
Ukrayna müxalifətinin lideri, keçmiş Baş nazir Yuliya Timoşenko həbs edilib.