Azərbaycan, Bakı, 18 avqust /Trend/
Qaqauziyanın (Moldova Respublikası tərkibində yerləşən muxtar respublika) böyüklüyünə görə ikinci olan Çadır-Lunqa şəhərində ölkənin cənubunda ən iri idman kompleksi tikiləcək. Bu kompleksə Azərbaycanın eks-prezidenti, ümummilli lider Heydər Əliyevin adı veriləcək. Trend-in məlumatına görə, bu barədə muxtariyyətin rəhbəri Mixail Formuzal məlumat verib.
Ukrainform-un müxbirinin verdiyi məlumata görə, 16 hektarlıq ərazidə yerləşəcək kompleksin layihəsinə 7 min yerlik qapalı stadion, üzgüçülük hovuzu, bir neçə idman tikilisi, eləcə də 200 yerlik müasir mehmanxana daxildir.
Tikinti Azərbaycandan olan sərmayədarlar qrupu tərəfindən həyata keçiriləcək.