Azərbaycan, Bakı, 31 avqust /Trend, müxbir T.Hacıyev/
Azərbaycan Baş nazirinin müavini Abid Şərifov Çinə səfər edəcək.
Çinin Xarici İşlər Nazirliyinin mətbuat katibi Ma Jaoksu bildirib ki, xarici ölkələrin bir sıra vəzifəli şəxsləri "Çin-Avrasiya Ekspo" sərgisində iştirak etmək üçün Çinin şimal-qəribində yerləşən Urumçi şəhərində toplanacaqlar. Bu barədə Trend "Sinxua" xəbər agentliyi məlumat verir.
Pakistan Prezidenti Asif Əli Zərdari, Qırğızıstan Prezidenti Roza Otunbayeva, Azərbaycan Baş nazirinin müavini Abid Şərifov və Qazaxıstan Baş nazirinin müavini Aset İsekeşkevin tədbirdə iştirakı gözlənilir.