Azərbaycan, Bakı, 9 oktyabr /Trend, S. Ağayeva/
Bazar günü Azərbaycanda Polşa parlament seçkiləri günündə bu ölkənin səfirliyində səsvermə başlandı.
Dipmissiya Trend-ə bildirdiyi kimi, 22 nömrəli seçki məntəqəsi 7.00-də açıldı.
Seçki siyahısına Azərbaycanın ərazisində müvəqqəti olan Polşanın 38 vətəndaşı daxil edilmişdir. Bunu Trend-ə Azərbaycanda Polşanın konsulu Miroslav Visnievski (Miroslaw Wisniewski) cümə günü deyib.
Seymə (Polşa parlamentinin aşağı palatası) və Senata (yuxarı palata) seçkilər 9 oktyabrda keçirilir.
Səsvermə yerli vaxt ilə saat 21:00-ə qədər keçəcək.
Seçkilərin gedişatında Seymin (460 deputat) və Senatın (100 deputat) tərkibi yenilənəcək.