Azərbaycan, Bakı, 10 dekabr /Trend/
Azərbaycan Prezidenti İlham Əliyev Burkina-Fasonun Prezidenti Blez Kompaoreyə təbrik məktubu ünvanlayıb.
"Ölkənizin milli bayramı - Respublika günü münasibətilə Sizə və xalqınıza ən səmimi təbriklərimizi yetirirəm. Ümidvaram ki, Azərbaycan ilə Burkina-Faso arasında təşəkkül tapmış dostluq münasibətləri daim inkişaf edərək əməkdaşlıq imkanlarımızı genişləndirəcəkdir. Bu bayram günündə Sizə ən xoş arzularımı yetirir, dost xalqınıza sülh və rifah diləyirəm", - Trend-in məlumatına görə, dövlət başçısının məktubunda deyilir.