Azərbaycan, Bakı, 20 fevral /Trend/
Ermənistanda prezident seçkilərində məğlub olaraq ikinci yeri tutan Raffi Ovannisyan tərəfdarları ilə birlikdə Yerevandakı Azadlıq meydanında qalmaq qərarına gəlib.
Ovannisyan mitinq iştirakçılarını dağılışmağa və cümə axşamı yerli vaxtla saat 13:00-da meydana qayıtmağa çağırıb.
O qeyd edib ki, mitinq iştirakçıları "hakimiyyəti könüllü təhvil vermək" üçün Serj Sarkisyanın gəlişini gözləyəcəklər.
Polis əməkdaşları meydanda neçə nəfərin qalacağını öyrənmək üçün Ovannisyana yaxınlaşıb. O isə bir neçə tərəfdaşı ilə qalacağını və hər şeyin qanun çərçivəsində olacağını bildirib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
