Azərbaycan, Bakı, 25 fevral /Trend/
Yerevan Dövlət Universitetinin mərkəzi binasının qarşısında hazırkı rejimə etiraz edən tələbələr toplaşıb. Trend Ermənistan KİV-ə istinadən məlumat verir ki, onlar "Hamınız ayağa qalxın!", "Yaşasın tətil!", "Yaşasın ədalət!" kimi çağırışlar səsləndirirlər.
YDU-nun prorektoru Ruben Markosyan tələbələri auditoriyalara getməyə çağırıb və hər hansı bir şərh verməkdən imtina edib.
Hazırda YDU-nun ərazisində 500-ə yaxın tələbə toplaşıb. Onlar ədalət bərqərar olmayınca məşğələlərdə iştirakdan imtina edirlər.
Universitet ərazisində çoxlu sayda polis əməkdaşları da toplaşıb. Onlar baş verənləri videokamera ilə lentə alırlar.