Azərbaycan, Bakı, 10 may /Trend/
"İrs" partiyası 7 gün ardıcıl olaraq Yerevanın Azadlıq meydanında mitinqlər keçirmək niyyətindədir. Bu barədə Trend Ermənistan KİV-inə istinadən məlumat yayıb.
Paytaxt meriyasının məlumatına görə, "İrs" partiyasının sədr müavini Armen Martirosyan Yerevan meriyasına 24-30 may tarixlərində saat 11:00-dan 23:00-dək bir neçə mitinqin keçiriləcəyi barədə bildiriş təqdim edib.
Təqdim edilən bütün bildirişlər qəbul olunub. Bu isə o deməkdir ki, meriya "İrs" partiyasının mitinq keçirməsinə qadağa qoymayıb.