Azərbaycan, Bakı, 18 iyun /Trend, müxbir İ.İsabalayeva/
Qara Dəniz İqtisadi Əməkdaşlıq Təşkilatının (QDİƏT) Xarici İşlər Nazirləri Şurasının 28-ci iclasında Azərbaycanı xarici işlər nazirinin müavini Mahmud Məmməd-Quliyev təmsil edəcək.
Xarici İşlər Nazirliyindən Trend-ə verilən məlumata görə, iclas iyunun 21-də Ukraynanın Odessa şəhərində keçiriləcək.
İclasda təşkilatın üzv dövlətləri arasında əməkdaşlıq və Nazirlər Şurasının qətnamə, qərar və tövsiyələrinin yerinə yetirilməsinin hazırkı vəziyyəti, QDİƏT - Avropa İttifaqı əməkdaşlığı, QDİƏT-də müşahidəçi statuslarının uzadılması üçün müraciətlər, QDİƏT-in Layihə İnkişaf Fondunun və digər orqanlarının fəaliyyəti və iclasın gündəliyində duran digər məsələlər nəzərdən keçiriləcək.