Azərbaycan, Bakı, 3 sentyabr /Trend, müxbir A.Tağıyeva/
ABŞ böyük ehtimalla Suriyaya qarşı mümkün hərbi əməliyyatlarda iştirak edəcək. Trend-in çərşənbə axşamı "Anadolu" agentliyinə istinadən verdiyi məlumata görə, bu barədə Türkiyənin Baş nazirinin müavini Bülənt Arınç Türkiyənin Nazirlər Şurasının iclasının yekunlarına dair çıxışında bildirib.
Baş nazirin müavini bildirib: "Əgər hərbi müdaxilə olarsa, onda bunu, ilk növbədə ABŞ edəcək". Arınçın sözlərinə görə, nə sülhməramlı koalisiya qüvvələri, nə də NATO ABŞ-sız Suriyada hərbi əməliyyatların keçirilməsinə qərar verməyəcəklər.