Azərbaycan, Bakı, 4 aprel /Trend, müxbir R.Hafizoğlu/
Türkiyə yerli pilotsuz təyyarələr üçün mühərriklər istehsal edəcək. Trend-in məlumatına görə, bu barədə cümə günü Türkiyənin "Sabah" qəzeti xəbər yayıb.
Layihənin yaxın iki il ərzində reallaşacağı gözlənilir.
Qəzetin məlumatına görə, Türkiyə Aerokosmik Texnologiyalar Elmi-Tədqiqat Mərkəzində (TUSAŞ) bu məqsədlə hərbi mühəndislərdən ibarət xüsusi qrup yaradılıb.
Bir müddət əvvəl Türkiyə özünün ilk ANKA pilotsuz təyyarəsini yaradıb. Onun yaradılması üzrə işlər 2004-cü ildən aparılıb. Layihə üzərində 180-ə yaxın mühəndis çalışıb.
Türkiyənin Aerokosmik Texnologiyalar Elmi-Tədqiqat Mərkəzində (TUSAŞ) ilk "Hürkuş" təlim təyyarəsi hazırlanıb.