...

Prezident İlham Əliyev: Azərbaycanın xarici, daxili siyasətinə heç bir kənar tərəf təsir edə bilməz

Siyasət Materials 12 May 2014 13:25
"Avropa ilə iqtisadi əlaqələr də diqqət mərkəzindədir, çünki Avropa ölkələri bizim birinci ticarət tərəfdaşlarımızdır".
Prezident İlham Əliyev: Azərbaycanın xarici, daxili siyasətinə heç bir kənar tərəf təsir edə bilməz

Trend-i buradan izləyin

Azərbaycan, Bakı, 12 may /Trend, müxbir S.Əliyev/

"Avropa ilə iqtisadi əlaqələr də diqqət mərkəzindədir, çünki Avropa ölkələri bizim birinci ticarət tərəfdaşlarımızdır". Trend-in məlumatına görə, bunu Azərbaycan Prezidenti İlham Əliyev Fransa Prezidenti Fransua Ollandla birgə keçirdiyi mətbuat konfransında jurnalistin "Ukrayna böhranı Avropa İttifaqı ilə Azərbaycanın yaxınlaşmasına hansısa bir təsir göstərərmi?" sualını cavablandırarkən deyib.

Prezidentin sözlərinə görə, əlbəttə ki, enerji təhlükəsizliyi ilə bağlı Azərbaycan tərəfindən irəli sürülmüş təşəbbüslər Avropa qurumları tərəfindən dəstəklənir: "Biz çox səmərəli, gözəl əməkdaşlıq yaratmışıq. Bizim ümumiyyətlə, xarici siyasətlə, yaxud daxili siyasətlə bağlı olan addımlarımıza heç bir kənar tərəf təsir edə bilməz. Azərbaycan müstəqil dövlətdir, müstəqilliyi hər şeydən üstün tutur və müstəqillik imkanlarından çox səmərəli şəkildə istifadə edir. Biz iqtisadi sahədə, siyasi sahədə islahatlar aparırıq və siyasi islahatlar iqtisadi islahatlar qədər bizim üçün önəmlidir".

Məqalədə:
Xəbər lenti

Xəbər lenti