...

Rusiya ali məktəblərinin əcnəbi məzunları üçün RF vətəndaşlığının alınması sadələşdirilir

Siyasət Materials 10 İyun 2014 19:01 (UTC +04:00)
Dövlət Duması Rusiya ali məktəblərinin əcnəbi məzunları üçün Rusiya Federasiyası (RF) vətəndaşlığının alınması prosesini sadələşdirən vətəndaşlıq haqqında qanuna dəyişiklikləri ikinci əsas oxunuşda qəbul edib.
Rusiya ali məktəblərinin əcnəbi məzunları üçün RF vətəndaşlığının alınması sadələşdirilir

Azərbaycan, Bakı, 10 iyun /Trend/

Dövlət Duması Rusiya ali məktəblərinin əcnəbi məzunları üçün Rusiya Federasiyası (RF) vətəndaşlığının alınması prosesini sadələşdirən vətəndaşlıq haqqında qanuna dəyişiklikləri ikinci əsas oxunuşda qəbul edib.

Trend-in İTAR-TASS-a istinadən verdiyi məlumata görə, qanun layihəsi əcnəbi vətəndaşların ayrı-ayrı kateqoriyalarının və RF-də yaşayan vətəndaşlığı olmayan şəxslərin, 01.07.2002 tarixindən sonra Rusiyanın təhsil yönümlü təşkilatlarından diplom almış əcnəbi məzunların RF vətəndaşlığına qəbulu qaydalarının sadələşdirilməsini nəzərdə tutur.

Bundan başqa, Rusiyada ən azı 3 il fəaliyyət göstərmiş (illik gəliri ən azı 10 milyon rubl olanlar) sahibkarlar da bu yolla vətəndaşlıq ala bilərlər.

Digər tərəfdən, Rusiyada ən azı 3 il işləmiş ixtisaslı mütəxəssislər də bu yolla RF pasportu ala bilərlər. Bunun üçün onlar xarici ölkə vətəndaşlığından imtina etməklə yanaşı, RF-nin Konstitisiyası və qanunvericiliyinə əməl edilməsi üzrə öhdəliklər götürməlidirlər.

Məqalədə:
Xəbər lenti

Xəbər lenti