Azərbaycan, Bakı, 8 iyul /Trend, müxbir Səba Ağayeva/
Gürcüstanın Azərbaycandakı səfirliyi sabiq Prezident Eduard Şevardnadzenin vəfat ilə əlaqədar başsağlığı kitabı açır. Bu barədə Trend-ə diplomatik missiyadan bildiriblər.
Arzu edən hər kəs 10-11 iyul tarixlərində, saat 11:00-dan 13:00-dək və 15:00-dan 17:00-dək başsağlığını verə və kitabda qeyd edə bilər.
Qeyd edək ki, keçmiş SSRİ-nin sabiq xarici işlər naziri, Gürcüstanın sabiq Prezidenti E.Şevardnadze uzun sürən xəstəlikdən sonra iyulun 7-də Tbilisidə 86 yaşında vəfat edib.
E.Şevardnadze iyulun 13-də dəfn olunacaq.