...

İqbal Ağazadə: Azərbaycana keçən Andranik Qriqoryana Azərbaycan pasportu verilməlidir

Siyasət Materials 3 Aprel 2015 12:40 (UTC +04:00)
"Könüllü surətdə ölkəmizə gələn hərbi qulluqçu Andranik Araratoviç Qriqoryana Azərbaycan pasportu verilməlidir".
İqbal Ağazadə: Azərbaycana keçən Andranik Qriqoryana Azərbaycan pasportu verilməlidir

Azərbaycan, Bakı, 3 aprel /Trend, müxbir Elçin Mehdiyev/

"Könüllü surətdə ölkəmizə gələn hərbi qulluqçu Andranik Araratoviç Qriqoryana Azərbaycan pasportu verilməlidir".

Trend-in məlumatına görə, bunu millət vəkili İqbal Ağazadə Milli Məclisin bu gün keçirilən plenar iclasında deyib.

O bildirib ki, bunun üçün heç bir problem olmamalıdır: "Digər erməni əsilli Azərbaycan vətəndaşlarına müraciət edilməlidir ki, ölkəmizə gəlsinlər. Hətta 3-cü ölkədən mümkün olsa da belə bu addımı atsınlar. Çünki Azərbaycanda milli ayrı-seçkiliklə bağlı heç bir problem yoxdur. Azərbaycanın dövlət orqanları, o cümlədən XİN və Prokurorluq müraciət etməlidir ki, hətta müharibədə iştirak edənlərə güzəşt edilə bilər. Həmin şəxslərə qaçqın statusu verilməsi mümkündür".

Spiker Oqtay Əsədov təklifə münasibət bildirib: "Elan çox olsa, qorxuram ki, hamı qaçqın statusu almaq üçün Azərbaycana gələr".

Məqalədə:
Xəbər lenti

Xəbər lenti