Azərbaycan, Bakı, 23 iyun /Trend/
Belarusun Azərbaycandakı səfiri Nikolay Patskeviçin Azərbaycan xarici işlər nazirinin müavini Xələf Xələfovla görüşündə dövlətlərarası dialoqun genişləndirilməsi imkanları müzakirə edilib.
Trend-in məlumatına görə, bu barədə BELTA agentliyi Belarus Xarici İşlər Nazirliyinin mətbuat xidmətinə istinadən xəbər verir.
XİN-dən bildiriblər: "Tərəflər ikitərəfli əməkdaşlığın genişləndirilməsi məsələlərini müzakirə etməklə dövlətlərarası dialoqun intensivləşdirilməsinə xüsusi diqqət yetiriblər. Belarus səfiri Azərbaycanın I Avropa Oyunlarındakı təşkilatçılıq səviyyəsini və Belarus idmançılarının yüksək nəticələr əldə etməsi üçün onlara kömək edən komandanın üzvlərinə yaradılmış rahat şəraiti xüsusilə qeyd edib".