...

Vitse-spiker: Lapşinin ekstradisiyası ilə bağlı başqa ölkələrdən səslənən bəyanatlar yalnız onların şəxsi fikirləri ola bilər

Siyasət Materials 19 Yanvar 2017 12:38 (UTC +04:00)
Azərbaycanın işğal olunmuş ərazilərinə qanunsuz səfər etmiş, ölkənin ərazi bütövlüyünü pozmuş, bundan sonra başqa bir pasportla yenidən Azərbaycana səfər edərək ölkənin dövlət sərhədlərini pozmuş Aleksandr Lapşinin Azərbaycana ekstradisiyası milli prosedurlar çərçivəsində həll edilməlidir.
Vitse-spiker: Lapşinin ekstradisiyası ilə bağlı başqa ölkələrdən səslənən bəyanatlar yalnız onların şəxsi fikirləri ola bilər

Bakı. İlhamə İsabalayeva - Trend:

Azərbaycanın işğal olunmuş ərazilərinə qanunsuz səfər etmiş, ölkənin ərazi bütövlüyünü pozmuş, bundan sonra başqa bir pasportla yenidən Azərbaycana səfər edərək ölkənin dövlət sərhədlərini pozmuş Aleksandr Lapşinin Azərbaycana ekstradisiyası milli prosedurlar çərçivəsində həll edilməlidir.

Trend-in məlumatına görə, bunu Milli Məclisin sədr müavini Bahar Muradova bildirib.

B.Muradova qeyd edib ki, Azərbaycanın qoşulduğu müxtəlif müqavilələr var: “Azərbaycan da onların şərtlərinə uyğun olaraq, bu tələbi iərli sürüb. Qarşı tərəf də bunu dəyərləndirməlidir. Başqa ölkələrdən və dairələrdən səslənən fikirlər isə yalnız onların şəxsi fikirləri ola bilər. Digər tərəfdən, bu məsələyə ikili standartlardan yanaşma kimi qəbul edilə bilər. Çünki necə ola bilər ki, uyğun hərəkəti törədən başqa birinə qarşı başqa bir ölkədə öz maraqları çərçivəsində başqa münasibət bildirilsin, Azərbaycanla bağlı isə başqa münasibət bildirilsin. Burada selektiv yanaşmanın olduğu görünür ki, bu da hüquqla bir araya sığmayan bir məsələdir”.

Qeyd edək ki, Azərbaycan Baş Prokurorluğundan Trend-ə verilən məlumata görə, bir qrup şəxslə cinayət əlaqəsinə girərək Azərbaycanın işğal olunmuş ərazisinə qanunsuz səfər və dövlət əleyhinə yönələn açıq çağırışlar etdiyi, dövlət sərhədini qanunsuz keçdiyinə görə, Belarusda həbs edilən Aleksandr Lapşinin ölkəmizə ekstradisiya olunması ilə əlaqədar hazırda zəruri tədbirlər davam etdirilir.

A.Lapşinin Azərbaycana ekstradisiya edilməsi üçün sənədlər Baş Prokurorluq tərəfindən Belarus hüquq-mühafizə orqanlarına təqdim olunub. A.Lapşinin hərəkətlərində dövlət əleyhinə yönələn açıq çağırışlar və dövlət sərhədini qanunsuz olaraq keçmə əməllərinin tərkib əlamətləri olduğundan Baş Prokurorluğun Ağır Cinayətlərə Dair İşlər Üzrə İstintaq İdarəsində fakta görə, Azərbaycan Cinayət Məcəlləsinin 281.2 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi qaldırılıb və barəsində dövlətlərarası axtarış elan edilib. Minsk məhkəməsinin qərarı ilə A.Lapşin barədə 2 aylıq həbs-qətimkan tədbiri seçilib. Hazırda həmin şəxsin Azərbaycan tərəfə təhvil verilməsi üçün sənədləşmə işləri aparılır.

Ayrı-ayrı dövlətlərin vətəndaşlığını daşıyan A.Lapşin Ermənistan silahlı qüvvələri tərəfındən Azərbaycanın işğal olunmuş ərazilərində yaşayan digər şəxslərlə qabaqcadan əlbir olub cinayət əlaqəsinə girərək “Azərbaycan Respublikasının dövlət sərhədi haqqında”, “Pasportlar haqqında” Azərbaycan Respublikası qanunlarının tələblərini kobud surətdə pozmaqla Azərbaycanın mühafizə olunan dövlət sərhədini müəyyən edilmiş sənədlər olmadan və nəzarət-buraxılış məntəqələrindən kənarda keçərək 2011-ci ilin aprel və 2012-ci ilin oktyabr aylarında işğal olunmuş ərazilərə daxil olub.

O, qanunsuz rejimin beynəlxalq səviyyədə təbliğ edilməsi məqsədilə internet sosial şəbəkəsində özünə məxsus “http//puerrtto.livejournal.com” səhifəsində səyahət etdiyi dövlətlər arasında Azərbaycan və Ermənistanla yanaşı, Dağlıq Qarabağı da müstəqil dövlət kimi qeyd etməklə, həmçinin 6 aprel və 29 iyun 2016-cı il tarixli müraciətlərində işğal olunmuş ərazilərdə qanunsuz fəaliyyət göstərən rejimin “müstəqilliyini” dəstəkləməklə Azərbaycanın beynəlxalq səviyyədə tanınmış ərazi bütövlüyünün parçalanmasına yönələn açıq çağırışlar edib.

Məqalədə:
Xəbər lenti

Xəbər lenti