Bakı. Səba Ağayeva - Trend:
Azərbaycan və Gürcüstan arasında yüksək səviyyədə siyasi dialoq mövcuddur.
Trend-in məlumatına görə, bunu Gürcüstanın xarici işlər naziri Mixeil Canelidze bu gün azərbaycanlı həmkarı Elmar Məmmədyarovla birgə brifinq zamanı deyib.
Azərbaycan və Gürcüstanın bir-birlərinin ərazi bütövlüyünü və suverenliyini dəstəklədiyini deyən nazir əlavə edib ki, hər iki ölkə həm ikitərəfli formatda, həm də regional səviyyədə iqtisadi əməkdaşlığı möhkəmləndirməkdə davam edəcək.
M.Canelidze deyib: “Enerji sahəsində əməkdaşlıq bizim iqtisadi əməkdaşlığımızın əsas hissəsidir”.
Bundan başqa, nazir qeyd edib ki, tərəflər qarşılıqlı investisiya və nəqliyyat sahəsində də əməkdaşlığı möhkəmləndirməyi planlaşdırır.