...

Bu şəhərlərin yaşayış məntəqələrinin qazlaşdırılması üçün 9 milyon manat ayrıldı

Siyasət Materials 2 Mart 2020 16:26 (UTC +04:00)
Prezident İlham Əliyev Gəncə şəhərinin, Daşkəsən, Göygöl və Samux rayonlarının yaşayış məntəqələrinin qazlaşdırılması ilə bağlı əlavə tədbirlər haqqında Sərəncam imzalayıb.
Bu şəhərlərin yaşayış məntəqələrinin qazlaşdırılması üçün 9 milyon manat ayrıldı

Trend-i buradan izləyin

Bakı. Trend:

Prezident İlham Əliyev Gəncə şəhərinin, Daşkəsən, Göygöl və Samux rayonlarının yaşayış məntəqələrinin qazlaşdırılması ilə bağlı əlavə tədbirlər haqqında Sərəncam imzalayıb.

Trend-in məlumatına görə, sərəncamda deyilir:

Gəncə şəhərinin, Daşkəsən, Göygöl və Samux rayonlarının ərazi vahidlərinin, o cümlədən yeni yaşayış massivlərinin (siyahı əlavə olunur) qazlaşdırılması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.1-ci yarımbəndində göstərilmiş məbləğin 9,0 (doqquz) milyon manatı Azərbaycan Respublikasının Dövlət Neft Şirkətinə ayrılsın.

Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Gəncə şəhərinin, Daşkəsən, Göygöl və Samux rayonlarının 2020-ci ildə qazlaşdırılması nəzərdə tutulan ərazi vahidlərinin SİYAHISI:

Azərbaycan Respublikası Prezidentinin 2020-ci il 2 mart tarixli Sərəncamı ilə təsdiq edilmişdir

Sıra

№-si

Ərazi vahidləri

Gəncə şəhəri

1.

Gəncə şəhərində 2 yeni massiv

Daşkəsən rayonu

1.

Aşağı Daşkəsən kəndi

2.

Kəmərqaya kəndi

Göygöl rayonu

1.

Toğanalı kəndi

Samux rayonu

1.

Sərkar kəndində yeni massiv

Məqalədə:
Xəbər lenti

Xəbər lenti