Bakı. Trend:
Yeni Azərbaycan Partiyası (YAP) və Türkiyənin Ədalət və İnkişaf Partiyası (AK Parti) arasında strateji əməkdaşlıq davamlıdır.
Trend xəbər verir ki, bunu Yeni Azərbaycan Partiyası (YAP) Sədrinin müavini - Mərkəzi Aparatın rəhbəri Tahir Budaqov Türkiyə nümayəndə heyətinin üzvləri ilə görüşdən sonra kütləvi informasiya vasitələri nümayəndələri üçün təşkil olunan mətbuat konfransında bildirib.
Tahir Budaqov deyib: “Xalqlarımız Türkiyə ilə Azərbaycanı bağlayan birgə mənəvi dəyərləri qoruyaraq daim bir yerdə olublar. İyunun 15-də YAP və AK Parti iki möhtəşəm hadisənin ildönümündə - Milli Qurtuluş Günündə və tarixi Şuşa Bəyannaməsinin imzalandığı tarixdə Şuşada tarixi sayılacaq konfrans keçirdilər. Bu, görünən həqiqətdir ki, prezidentlərimiz İlham Əliyev və Rəcəb Tayyib Ərdoğanın imzaladığı Bəyannamə artıq ilkin nəticələrini verməkdədir”.