Bakı. Trend:
İsveçin paytaxtı Stokholm şəhərində Ermənistan silahlı qüvvələrinin Azərbaycana qarşı təxribatlarına etiraz olaraq piket keçirilib.
Trend xəbər verir ki, İsveçdə yaşayan bir qrup Azərbaycan diaspor fəalı Krallıq parlamentinin qarşısına toplaşaraq, insan tələfatına səbəb olan erməni təxribatlarına son qoyulmasını tələb ediblər.
Azərbaycan xalqının sülhsevər olduğunu bildirən piket iştirakçıları ölkəmizin qarşılıqlı ərazi bütövlüyünə hörmət və beynəlxalq hüquq əsasında Ermənistanla sülh razılaşması imzalamağa hazır olduğunu xüsusi ilə diqqətə çatdırıblar.