Bakı. Trend:
Türkiyənin Azərbaycandakı səfiri Cahit Bağcı 9 Noyabr - Dövlət Bayrağı Günü münasibətilə Azərbaycanı təbrik edib.
Trend-in məlumatına görə, bu barədə çərşənbə günü səfir "Twitter" hesabında paylaşım edib.
"Qafqazın zirvəsində dalğalanan üçrəngli şanlı bayraq. Bayraq gününüz mübarək", - deyə paylaşımda bildirilib.
Qeyd edək ki, Azərbaycan Respublikasının rəsmi simvollarından (himn və gerblə birlikdə) biri olan bayraq ilk dəfə 9 noyabr 1918-ci ildə müsəlman şərqində ilk demokratik respublika olan Azərbaycan Xalq Cümhuriyyəti Nazirlər Şurası tərəfindən təsdiq edilmişdir. 1991-ci il oktyabrın 18-də “Azərbaycan Respublikasının Dövlət Müstəqilliyi haqqında” Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən dövlət bayrağını bərpa etmişdir.
Azərbaycan Respublikasının Prezidenti İlham Əliyevin 2009-cu il noyabrın 18-də imzaladığı sərəncamla 9 noyabr tarixi Azərbaycanda Dövlət Bayrağı Günü kimi qeyd olunur.