Bakı. Trend:
Ötən ildən etibarən Azərbaycan və Ermənistan arasında gedən sülh danışıqlarında irəliləyişlər var.
Bunu Trend-ə açıqlamasında politoloq Elşad Həsənov bildirib.
Onun sözlərinə görə, mayın 1- 4-ə qədər Vaşinqtonda keçirilən Azərbaycan və Ermənistanın Xarici İşlər Nazirlərinin görüşlərində bunun işartılarını vurğulamaq olar.
"Mayın 14-də Brüsseldə Azərbaycan Respublikasının Prezidenti İlham Əliyevin Avropa İttifaqı Şurasının Prezidenti Şarl Mişel və Ermənistan Respublikasının Baş naziri Nikol Paşinyan ilə görüşü olub. Bu görüşdən sonra Paşinyan Ermənistan palamentində çıxış edərək bildirdi ki, Bəli, Ermənistan Azərbaycan ərazisini 86,6 min kv.km olaraq tanıyır, bura Qarabağ da daxildir. O həmçinin, Qarabağ ermənilərinin hüquqlarının və təhlükəsizliyi məsələsinin Bakı ilə Xankəndi arasında müzakirə olunmalı olduğunu bildirib. Bu çox önəmli məsələdir. Belə ki, əvvəllər Paşinyan bu sözləri demirdi. Ancaq Azərbaycan dövlətinin apardığı uğurlu siyasəti, güclü ordusunun olması Paşinyanı bizimlə razı salmağa vadar edir. Bundan başqa dünya güclərinin təzyiqi nəticəsində Paşinyan etiraf etməyə məcbur oldu ki, Qarabağ Azərbaycanın ərazisdir. Bu görüşlər hələ ki, bitməyib. Mayın 25-də Rusiyada Rusiya Prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyan arasında üçtərəfli görüşün keçirilməsi nəzərdə tutulur. Bu görüşdə hansı nəticələr əldə olunacağını qabaqcadan demək çox çətindir. Görüşdə ilk növbədə yolların açılması gündəmə gələ bilər.
Ancaq eyd edtmək lazımdır ki, Rusiyanın bəzi kanallarındakı verlişlərdə bəzi şəxslər Azərbaycanla Ermənistan arasında sülh bağlanmasının əlehinə çıxışlar edirlər. Paşinyanın satqın olmasını dilə gətirirlər. Bunu Rusiyada olan bəzi dairələr edir. Lakin sevindirici haldır ki, Vladimir Putin dəfələrlə bildirib ki, Qarabağ ərazisi olduğunu deyib. Düşünürəm ki, sabahki görüşdə tərəflər müəyyən irəliləyişlər ola bilər", - deyə E.Həsənov bildirib.