Bakı. Trend:
Ermənistanın baş naziri Nikol Paşinyan yenə də Tbilisidə keçirilən 4-cü Beynəlxalq İpək Yolu Forumundakı çıxışı zamanı Ermənistanı sülhsevər ölkə kimi təqdim etməyə çalışıb, Azərbaycanla sülh və əlaqələrin bərpası razılaşmaları imzalayacaqlarını bəyan edib. Lakin Paşinyanın sözü ilə əməlinin üst-üstə düşmədiyi, heç vaxt vədlərinə əməl etmədiyi hər kəsə bəllidir.
Məsələ ilə bağlı Trend-ə açıqlama verən Milli Məclisin deputatı Musa Qasımlı bildirib ki, Paşinyanın sülh barədə söylədikləri yalnız ifadələrdir və həqiqəti əks etdirmir.
“Buna qədər də Paşinyan sülh barədə çox danışıb, amma onun ardınca vəziyyəti gərginləşdirən addımlar atır. Ermənistan bir tərəfdən sülhdən danışır, digər tərəfdən Hindistandan silah alır. Axı silahla sülh bir-biri ilə uyğun gəlmir. Belə olan şəraitdə Paşinyanın bütün niyyətləri ortaya çıxır”, - deyə o qeyd edib.
Daha geniş videomüsahibəni təqdim edirik: