Oktyabrın 27-də ABŞ-ın Azərbaycandakı səfiri Rino Harniş Gəncədə şəhərin İcra Hakimiyyətinin başçısı Eldar Əzizovla görüşüb. Trend in regional müxbirinin məlumatına görə, görüş bağlı qapılar arxasında keçirilib və saat yarım davam edib.
Mətbuat konfransında E.Əzizov bəyan edib ki, görüşdə seçkiqabağı vəziyyətlə bağlı fikir mübadiləsi aparılıb. "Səfir mənə 38 saylı dairədən namizədlərin şikayətləri barədə məlumat verdi. Mən imkan daxilində bu problemi izah etdim. Problemlərdən biri güya mənqim namizədlərdən birinə dəstək verməyim və guya bütün seçki məntəqələrinə onun parlamentə seçilməsi üçün əllərindən gələni etməyi tapşırmışam. Sizin diqqətinizə çatdırıram ki, Gəncədə bu namizədin nüfuzu yoxdur. O heç vaxt seçilə bilməyəcək", - deyə o bildirib. O, həmçinin, Azərbaycan prezidentinin icra hakimiyyətinə qarşıdakı seçki prosesinə qatılmağı qadağan edən son sərəncamını xatırladıb.
R. Harniş jurnalistlərə bildirib ki, E.Əzizovla görüşdə 3-4 ciddi problemi onun diqqətinə çatdırdığını və sonuncunun onları həll edəcəyinə söz verdiyini bildirib.
Amerikalı diplomatın sözlərinə görə, regionlardan olan namizədlərin kifayət qədər səs torlamaq üçün əlavə imkanları var.
R. Harniş, həmçinin, P.Hüseynov adına 1 saylı internatın yataqxanasının açılış mərasismində də iştirak edib. Öz çıxışında o, ölkənin demokratikləşməsi işində təhsilin inkişafının əhəmiyyətini qeyd edib.
