Azərbaycan prezidenti İlham Əliyev Qazaxıstan prezidenti Nursultan Nazarbayevə Müstəqillik günü münasibətilə təbrik məktubu göndərib.
Trend in məlumatına görə, məktubda ikitərəfli əlaqələrin bundan sonra da inkişafı və dərinləşməsi, irimiqyaslı transmilli layihələrin həyata keçirilməsində uğurlu qarşılıqlı fəaliyyətin, regional və beynəlxalq strukturlarda əməkdaşlıq və qarşılıqlı dəstəyin hər iki ölkənin və xalqın firavanlığı və tərəqqisi, regionda təhlükəsizliyin və sabitliyin təmin olunmasına xidmət edəcəyinə ümidvarlıq ifadə olunub.