Bu gün Gəncədə keçirilən müşavirədə "Azəriqaz" Qapalı Səhmdar Cəmiyyətinin sədri Əlixan Məlikov bildirib ki, Gəncədə qaz pullarının yığım səviyyəsi çox aşağı səviyyədədir. Belə ki, bu göstərici 14-15 fizdən yuxarı qalxmır. Bu günə kimi şəhərin 20 faiz ərazisi sayğaclaşdırılıb. Buna baxmayaraq abanentlər sayğaclara müdaxilələr edir və onların iş prinsiplərini pozurlar.
Məlikov bildirdi ki, bu ilin sonuna kimi respublikada 500 min sayğacın quraşdırılması planlaşdırılır ki, bunun da nəticəsində Gəncənin 65 faiz abanenti sayğacla təmin olunacaq. Bəlkə onda yığımda irəliləyişə nail olmaq mükün oldu. Müşavirədə 6 rayonun Qaz İstismar İdarələrinin rəisləri iştirak edirdi.
Yığıncaqda həmçinin rayonlarda olan problemlərdən də söhbət açıldı. İşində nöqsanlara yol verən bir neçə qaz-istismar idarəsi işçisinin vəzifədən azad edilməsi barədə əmr verildi. Məlikov bu cür görüşlərin mütəmadi olaraq davama etdiriləcəyini bildirdi.
