Gəncə şəhər Çoxsahəli Mənzil Kommunal Təsərrüfat İstehsalat Birliyindən verilən məlumata görə, bu ilin 6 ayı ərzində şəhərdə 105 mənzilin dam örtüyü təmir olunub. Bunlardan təxminən 50 %-ə şifer, qalanına isə tol örtük çəkilib. İdarənin baş mühəndisi Zahid Məmmədovun verdiyi məlumata görə, bu işlərin görülməsi üçün təxminən 30 000 YAM məbləğində vəsait xərclənib. Məmmədovun sözlərinə görə, ikinci yarmildə də təmir işləri davam etdiriləcək. Bundan başqa birinci yarımildə 141 399 m2 yol (17,4 km) asfaltlanıb. Növbəti 6 aya isə 3 milyon manat vəsait ayrılıb ki, bu pulla təxminən 20 km yol asfaltlanacaq.
...
