Gəncə şəhər Təhsil İdarəsinin rəisi Cəlal Fətullayevin verdiyi məlumata görə, şəhərin Sevinc qəsəbəsində yeni inşa edilən məktəb bu ilin oktyabr ayında istifadəyə veriləcək. Onun sözlərinə görə, aprel ayında başlanılan tikinti işləri hazırda sürətlə davam etməkdədəir.
Məlumat üçün bildirək ki, yeni məktəd 3 korpusdan ibarət olmaqla 640 yerlik olacaq. İki korpusun dam ortüyü tikilərək sona çatdırılıb. Hazırda isə üçüncü korpusun damı üzərində iş gedir. Fətullayevin sözlərinə görə, məktəb tikilib sona çatdıqdan sonra müasir avadanlıqlarla tam təmin olunacaq.
