...

İsveç, Rusiya, Ukrayna, Belarus, Moldova və Gürcüstan Gənclər Təşkilatları Milli Şuralarının nümayəndələri Bakıya gələcək

Siyasət Materials 11 Avqust 2006 16:18 (UTC +04:00)

İsveç, Rusiya, Ukrayna, Belarus, Moldova və Gürcüstan Gənclər Təşkilatları Milli Şuralarının nümayəndə heyəti avqustun 14-17-də Azərbaycana işgüzar səfər edəcək. Bu barədə Trend ə Azərbaycan Gənclər Təşkilatları Milli Şurasının mətbuat katibi Heydər Atayev bildirib.

Qonaqlar Azərbaycanda gənclərin ölkədəki ümumi vəziyyəti, müvafiq gənclər təşkilatlarının və digər QHT-lərin fəaliyyəti, perspektivləri və üzləşdikləri problemlər haqqında məlumat toplayacaq və bu istiqamətdə Azərbaycan gəncləri ilə təcrübə mübadiləsi aparacaqlar.

Bundan əlavə Avropalı qonaqlar Milli Məclisin üzvləri ilə görüşlər keçirməyi və Azərbaycanda dövlət gənclər siyasətinin həyata keçirilməsi istiqamətində atılan addımlarla tanış olmaq üçün Gənclər və İdman Nazirliyinə, ölkələrimiz arasındakı mədəni əlaqələrin və turizmin inkişafında gənclərin rolu və bu sahədə gənclərə yaradılan şəraitlə tanış olmaq üçün Mədəniyyət və Turizm Nazirliynə və Xarici İşlər Nazirliyinə baş çəkməyi planlaşdırırlar.

Səfər çərçivəsində qonaqlar Azərbaycan Gənclər Təşkilatları Milli Şurasının qərargahında bir sıra tədbirlər keçirəcəklər.

Xəbər lenti

Xəbər lenti