ABŞ-ın Beynəlxalq İnkişaf Agentliyi Azərbaycanda İcma İnkişafı Fəaliyyəti Proqramının başlandığını bildirib. ABŞ-ın Azərbaycandakı səfirliyindən Trend ə verilən məlumata görə, layihə Qax və Zaqatala rayonlarında tətbiq olunacaq.
ABŞ-ın bu fəaliyyəti Azərbaycanda su və enerji təchizatı layihələrinin dəstəklənməsinə, o cümlədən məktəblərin bərpasına yönəldilib. Qrafikə əsasən, oktyabrın 17-də Qax rayonunun Ləkit kəndində su sisteminin bərpasına həsr olunmuş mərasim keçiriləcək. Həmin gün Qax rayonunun Qaxbaş kəndində isə elektrik sisteminin yaxşılaşdırılması layihəsi üzrə mərasim keçiriləcək. Oktyabrın 19-da Zaqatala rayonunun Yolayrıc, Yengiyan, Yuxarı Çardaxlar kəndlərində məktəbin təmiri və su sisteminin yaxşılaşdırılması üzrə layihələrin açılışı olacaq.