Oktyabrın 1-nə olan statistik məlumatlara əsasən, Gəncə şəhərinin əhalisi 2543 nəfər artaraq 307 min 186 nəfərə çatıb. Ötən ilin 9 ayı üzrə isə Gəncə əhalisinin sayı 304 min 643 nəfər təşkil edib.
Trend xəbər verir ki, bu il Gəncədə dünyaya göz açan körpələrin sayı (ölü doğulan körpələrdən başqa) 3018 nəfərdir. Şəhərimizdə vəfat edənlər isə 1425 nəfər olub. Onlardan 12-si 1 yaşınadək olan uşaqlardır.
2006-cı ilin 9 ayı ərzində Gəncə sakinlərinin bağladıqları nigahların sayı 1504 olub, 297 nigah isə pozulub. Bu il 2005-ci ilin müvafiq dövrünə nisbətən yeni ailə quranların sayı artsa da, boşanma halları azalıb. Belə ki, ötən ilin 9 ayı üzrə yeni qurulan ailələrin sayı 1433, boşanmaların sayı isə 377 olub.
