1 mln. 200 mindən artıq Azərbaycan vətəndaşı sosial sığorta haqqında şəhadətnamə alıb. Trend xəbər verir ki, bu barədə şənbə günü jurnalistlərə Sosial müdafiə fondunun sədri Səlim Müslümov məlumat verib.
O bildirib ki, artıq proses tamamlanmaq üzrədir. 2007-ci il yanvarın 20-dən başlayaraq, Fond işə götürənlərdən bəyannamələri qəbul etməyə başlayacaq. Fondun başçısı bu sahədə problemin olacağını gözləmir.
S.Müslümovun sözlərinə görə, bir sıra təşkilatlarda ikiqat uçotun həyata keçirilməsi təşkilat əməkdaşlarının təqaüdlə təmin olunmasına mənfi təsir göstərəcək. Fondun başçısı vurğulayıb ki, təqaüdlərin ölçüsü ödəniş cədvəlində göstərilmiş peal əmək haqqıdan asılı olacaq.
"Hər kəs bunu başa düşməli və işə götürəndən mühasibat uçotunun aparılmasının şəffaf olmasını tələb etməlidir", - deyə o bildirib.