Demokratik İslahatlar Partiyasının (DİP) sədri, millət vəkili Asim Mollazadə yanvarın 9-da Beynəlxalq Respublikaçılar İnstitutunun (İRİ) proqram direktoru Dallas Frohriblə görüşüb. Bu barədə Trend ə DİP-dən məlumat verilib.
Görüşdə Demokratik İslahatlar Partiyası ilə Beynəlxalq Respublikaçılar İnstitutu arasında əməkdaşlıq, bu qurumların birgə proqramlar həyata keçirməsi, BDİ-nin partiya quruculuğu ilə bağlı müvafiq layihələri, həmçinin həyata keçirdiyi regional proqramlar müzakirə olunub. Asim Mollazadənin 2006-cı ilin dekabrında ABŞ-a gerçəkləşdirdiyi səfərin yekunları da görüşdə müzakirə edilib.
Görüşə Beynəlxalq Respublikaçılar İnstitutunun Bakı ofisinin siyasi proqramlar üzrə direktoru Fariz İsmayılzadə və proqramlar üzrə baş mütəxəssis Təbib Hüseynov da qatılıb.