Azərbaycan üçün Qazaxıstan buğdasının qiyməti tona 140-145 $ səviyyəsində saxlanılıb.
"Qazaxıstanın Azərbaycanlı tərəfdaşları üçün buğdanın qiymətinin qaldırması barədə gəzən söhbətlər əsassızdır. Bizim Azərbaycanla münasibətlərimiz uzunmüddətli müqavilələrlə qurulur, ona görə də, bizim buğdamızın qiyməti qalxmayıb"-deyə Trend in Astanadakı xüsusi müxbirinə "Ərzaq müqavilə korporasiyası" SC-nin prezidenti Ruslan Əzimov məlumat verib.
O qeyd edib ki, ümumilikdə dünya bazarında buğdanın qiyməti qalxmayıb.
"Qiymətlərin artımının əsas səbəbi dünyada əsas buğda istehsalçılarından olan Rusiyada qeyri-adi isti və qarsız qışdır, bu gələcək məhsulda özünü bilavasitə göstərəcək"-deyə Əzimov deyib.
"Ərzaqkorporasiyası"nın rəhbəri həmçinin söyləyib ki, yanvarın sonunda Bakı limanında Qazaxıstan-Azərbaycan BM tərəfindən tikilən buğda terminalının təntənəli açılışı olacaq. Terminalın özülü 2006-cı ilin mayında qoyulub.